- واحدة المعلمة في الروض كتقري هاد الجيل الصغير ديال هاد الوقت قالت لواحد الى قلتي ليا لحساب من واحد حتى لخمسة نعطيك بوسة كبيرة وهو يرد عليها قال ليها والى حسبت ليك حتى العشرة تمشي معايا لدار
2- قالك هدا واحد كيبيع الحمص فالزنقة مشا يخطب وحدة .فاش سولوه عائلتها فين كيخدم ورالهوم الطابلية قالهوم راني كنخدم فالفرماسيان-الصيديلية- .قالوا صافي هاك يد بنتنا واحد النهار أم البنت كتسرا فالزنقة وهي تشوفوا كيبيع الحمص مشات العندو قالتلو ارى شي زلافة دالحمص وهو يعطيلها وقالها هاكي الحاجة جوج معالق فالصباح وجوج فالليل قبل الماكلة
3- هاذا واحد الرجل عندوا جوج ولاد وبنت،
واحد سميتو"ماشي شغلك" واحد سميتو"أدب" والبنت سميتها"تصرفيقة"
الاب حلف فيهم قالهم للي سقط في المدرسة غادي نضربو.
سقط "أدب" و "تصرفيقة" ونجح "ماشي شغلك"
هربات "تصرفيقة"حيت خافت من أباها
"أدب" تعلق
ناض "ماشي شغلك"يقلب على اختو"تصرفيقة"
كان غادي فالطريق بسرعة،قبطو سي البوليسي،قالو :
راك حرقتي ضوء ،شنو سميتك؟قالو ماشي شغلك
البوليسي:شنو سميتك؟
الابن: ماشي شغلك
البوليسي:ايوا انت خاصك الادب
ماشي شغلك:راني نيت خليتو فالدار
البوليسي:ايوا هي خاصك شي تصرفيقة؟
ماشي شغلك: عليها كنقلب
البولسي:هاك
4- هدا واحدالمعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة
5- هدا واحد خاينا مشا معا صاحبتو لسينيما هو يقول ليها اش بغيتي زريعا ولا شي حاجة باردة هي تقوليه بجوج هو يجيب ليها دلاحة.
السبت يناير 19, 2008 2:43 pm
